Germanııaǵa bosqyndardyń aǵyny azaıyp keledi
ASTANA. QazAqparat - Ótken jyly Germanııaǵa aýǵan bosqyndar men mıgranttar sany mıllıonnan asyp jyǵylǵan.
Jyl aıaǵyna deıin Germanııaǵa taǵy 300 myń bosqyn keledi dep josparlanýda, - dep málimdedi bosqyndar men mıgranttar isi boıynsha federaldy mekeme basshysy Frants-ıÝrgen Vaıs Bild basylymyna bergen suhbatta.
"Meniń oıymsha, bıyl 300 myńǵa jýyq adam keledi», - dedi ol.
Onyń aıtýynsha, mekemeniń 250-300 myń mıgrantty sátti ornalastyrýǵa shamasy jetedi. Sheneýnik bul kórsetkishtiń eń utymdy ekenin aıtqan.
«Eger budan artyq adam kelse, bizdiń jumysymyz qıyndaı túsedi. Tipti daǵdarysty ahýalǵa ushyraýymyz múmkin», - dedi Vaıs.
Alaıda, ol 2015 jyl sekildi qıyn-qystaý kezeń endi qaıtalanbaıdy dep úmittenedi.
Foto: AFP/Scanpix
