Germanııaǵa Aýǵanstannan 110 jastaǵy bosqyn keldi
ASTANA. QazAqparat - Germanııaǵa bosqyndar tobymen birge aýǵan zeınetkeri Abdýl Qadyr Ázızı de kelip jetti. Er adam jasy 110-da ekenin málim etken, dep jazady epochtimes.ru.
Uzaq jasaǵan qarııa segiz týysymen birge kelgen. Qujattarynyń bolmaǵanymen, 1905 jyly dúnıege kelgenin aıtyp otyr.
Jasynyń ulǵaıýyna baılanysty er adam estý jáne kórý qabiletinen aıyrylǵan, biraq bul onyń segiz aı boıy saıahat jasaýyna kedergi bolǵan joq. Osy ýaqytta Ázızıdiń otbasy alty myń shaqyrym jerdi artqa salyp, ondaǵan shekaradan ótti. Joldyń kóp bóliginde týystary qartty kóterip kelgen.
Qarttyń 60 jastaǵy qyzynyń aıtýynsha, ol Aýǵanstannan «Talıban» sodyrlarynyń onyń úsh úlken ulyn óltirgen soń kóship ketýdi sheshken.
Nemis bılik kózderi qartty elde ornalastyrý qujattaryn daıyndap jatyr. Er adam Germanııanyń búkil tarıhynda jasy eń úlken bosqyn atandy.
Foto: pixabay.com/ CC0 Public Domain
