Germanııadan jáne Ispanııadan ákelinetin kókónis ónimine mindetti bakterıologııalyq zertteýler júrgizilip, baqylaý kúsheıtiledi
ASTANA. 31 mamyr. QazAqparat - QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti Germanııada bastalǵan jáne Ispanııadan ákelingen qııarmen baılanysty Eýropa elderinde ishek ınfektsııasynyń órshýine qatysty habarlama jasady.
QR Densaýlyq saqtaý mınıstrliginiń baspasóz qyzmetiniń habarlaýynsha, búgingi kúni jiti ishek ınfektsııasynyń jaǵdaıy negizinen Germanııanyń barlyq federaldyq jerinde jáne Germanııa, Danııa, Shvetsııa, Ulybrıtanııa, Gollandııa jáne Shveıtsarııadan kelgen týrıster arasynda tirkelgen, zardap shekkenderdiń jalpy sany 1200 adamnan asady, olardyń ishinde 10 adam qaıtys bolǵan.
Juqtyrý belgileri - qusý, qurysý, dene qyzýynyń kóterilýi, qandy dıareıa. Bakterııa juqtyrylǵan shıki jáne qajetinshe jylýmen óńdeýden ótpegen ónimdi tutyný kezinde beriledi. Dert aýyr túrde ótedi jáne búırekti asqyndyrdy (gemolıtıkalyq jáne ýremıkalyq sındrom), ol ólim-jitimge ákep soqtyrýy múmkin.
Aldyn ala derekter boıynsha aýrýdyń sebepshisi - Soltústik Eýropaǵa Ispanııadan ákelingen enterogemorragııalyq ishek taıaqshalary juqqan qııar.
Qazaqstan Respýblıkasynyń Bas memlekettik sanıtarlyq dárigeri respýblıka aýmaǵyna Germanııadan jáne Ispanııadan ákelinetin kókónis ónimine mindetti bakterıologııalyq zertteýler júrgize otyryp, baqylaýdy kúsheıtý týraly qaýly shyǵardy.
Osy másele boıynsha Belarýs Respýblıkasynyń sanıtarııalyq qyzmeti men Reseı Federatsııasy tutynýshylyqty qadaǵalaýdyń federaldyq qyzmetimen ózara is-qımyl jolǵa qoıyldy.
Búgingi kúni Qazaqstan Respýblıkasynda ımport jáne jergilikti qııarlardy tutynýmen baılanysty ishek ınfektsııasy jaǵdaılary tirkelgen joq. Sanıtarlyq-epıdemıologııalyq qyzmet jaǵdaıdy turaqty baqylaýǵa alyp otyr.
Memlekettik sanıtarlyq-epıdemıologııalyq qadaǵalaý komıteti halyqqa jemis-kókónis ónimderin jaqsylap jýǵannan keıin, múmkindiginshe qaınaǵan sýmen qosymsha shaıǵannan keıin ǵana paıdalanýǵa keńes beredi.
