Germanııadan Qazaqstannyń burynǵy bas kólik prokýroryn ekstradıtsııalaý protsesi bastaldy

ASTANA. KAZINFORM — QR Bas prokýrorynyń orynbasary Ǵalymjan Qoıgeldıev halyqaralyq izdeýde bolǵan Qazaqstannyń burynǵy bas kólik prokýrory Maqsat Dúısenovti elge qaıtarý protsesine qatysty pikir aıtty.

- Maqsat Dúısenov Germanııada ustaldy. Ekstradıtsııalyq sharalarǵa qatysty qamaýǵa alyndy. Osyǵan qatysty qazir buqaralyq aqparat quraldarynda jarııalanyp jatqan túrli aqparat shyndyqqa janaspaıdy. Atap aıtqanda, ekstradıtsııa protsesi júrip jatyr. Sondyqtan resmı aqparat kózderinde jarııalanǵan derekterge mán berý kerek. Ony elge qaıtarý boıynsha Germanııa jaǵynan bas tartý málimdemesi bolmady, - dedi Ǵ. Qoıgeldıev Senattyń jalpy otyrysynan keıin tilshiler suraǵyna jaýap bere otyryp.

Eske salaıyq, buǵan deıin Qazaqstannyń burynǵy bas kólik prokýroryna izdeý salynǵanyn jazǵanbyz.

Bıyl qyrkúıek aıynda ol Germanııada ustaldy.