Germanııadaǵy jarylys: 14 adam zardap shekti
NUR-SULTAN. QazAqparat – Germanııadaǵy Froıdenberg qalasynda halyqtyq mereke kezinde jarylys bolyp, kem degende 14 adam zardap shekti. Olardyń altaýynyń jaǵdaıy asa aýyr, dep habarlaıdy FOCUS Online basylymy.
Aldyn ala derekterge qaraǵanda, jarylys qaınap jatqan maıǵa sýdyń tógilýinen bolý múmkin. Oqys oqıǵa bolǵan shaqta Froıdenbergte jańbyr jaýyp turǵan.
Tergeý jumystaryn qylmystyq polıtsııa júrgizýde. Aýyr jaraqat alǵan adamdardy tikushaq Rýrsk oblysy men Kelndegi aýrýhanalarǵa jetkizdi.
