Germanııadaǵy sý tasqynynyń alǵashqy qurbandary belgili boldy
ASTANA. 10 qańtar. QazAqparat - Germanııadaǵy sý tasqynynyń alǵashqy qurbandary belgili boldy. 2010 jyldyń sońyndaǵy qardyń kóptigi, aýa raıynyń kúrt jylynýy men jaýǵan jaýyn-shashyn sońǵy kúnderi qardyń erip, Mozel, Maın jáne Reın ózenderindegi sýlardyń arnasynan asyp ketýine ákelip soqty.
Kem degende bir adam qaza tapty, dep habarlaıdy Deutsche Welle-ke silteme jasaǵan RBK agenttigi.
Batystaǵy nemis qalalary sý tasqynyna daıyndalýda. Jaqynda ǵana Mozel ózeniniń boıyndaǵy 30-ǵa jýyq eldi meken sý tasqynynan zardap shegip, Kohem jáne Tsell qalalarynyń kóshelerindegi sý deńgeıi 1,5 metrge jetken.
Mozel jáne Reın ózenderiniń qosylǵan jerindegi Koblents qalasy da tabıǵat apatynan zardap shekti, sýdyń ortasha mólsheri 8,3 metrge jetken. Qalanyń eń kórikti orny «Nemis buryshy», ıaǵnı eki ózenniń qosylǵan saǵasy 1 metrlik sý astynda qalyp, ózen jaǵasyndaǵy úılerge de sý jetken.
Aldaǵy kúnderi Koblents qalasyndaǵy sý mólsheri 9 metrge jetýi múmkin. Aldyn ala boljam boıynsha 5 myń adam turatyn aýdandy sý basady.
