Germanııadaǵy poıyz apatyna dıspetcherdiń oıyn oınaýy sebep bolǵan
ASTANA. QazAqparat - Germanııada 11 adam qaza tapqan aqpan aıyndaǵy poıyzdardyń soqtyǵysýyna qatysty is boıynsha dıspetcher qamaýǵa alyndy. Prokýrorlar onyń uıaly telefonmen oınaǵany temir joldaǵy apatqa sebepshi bolýy múmkin dep seziktenip otyr.
Prokýratýranyń usynǵan málimetine sensek, dıspetcher telefonyndaǵy oıynǵa berilip ketip, sonyń saldarynan poıyzǵa qate belgi bergen, sodan keıin qaýyrt nómirdi qate tergendikten mashınıstiń birimen baılanysqa shyǵa almaǵan.
Temirjol kompanııasynyń qyzmetkeri (aty-jóni jarııa etilmegen) osy nusqany moıyndap otyr, dep habarlaıdy nemis basylymdary.
Poıyz apaty 9 aqpan kúni Mıýnhennen 60 shaqyrym jerde Bad-Aıblıng kýrort qalasyna jaqyn tusta oryn alǵan. Apat saldarynan júzdegen jolaýshylar jaraqattandy. Bir poıyz relsten shyǵyp ketip, birneshe vagon aýdarylyp qaldy.
Eki poıyzda saǵatyna 100 shaqyrym jyldamdyqpen kele jatqan. Ári eki mashınıste burylysta kele jatqandyqtan bir birimen kórmegen.
