Germanııadaǵy «orman jasóspirimi» 20 jastaǵy gollandııalyq bolyp shyqty
ASTANA. 17 maýsym. QazAqparat - Berlınde toǵyz aı buryn aıaq astynan paıda bolǵan jumbaq «orman jasóspiriminiń» kim ekendigi Gollandııada anyqtaldy. Óz aıtýy boıynsha, Reı esimdi jasóspirim ákesimen bes jyl boıy ormanda bolǵan.
20 jastaǵy Robın van Helsým gollandtyq Hengelo qalasynan, ol ótken jyly nemis astanasynda paıda bolǵan. Jasóspirimdi tabýǵa polıtseılerdiń izdeý jarııalaǵan sýretteri kómektesken. Ony Reı-Robınniń týystary, burynǵy synyptastary men muǵalimderi tanydy. Bul týraly newsru.com saıtyna silteme jasap Eýrazııa. Birinshi arnasy habarlaıdy.
«Biz ol 20 jastaǵy izdeýdegi jasóspirim ekendigine 100 paıyz senimdimiz, óıtkeni ony ógeı anasy esh qıyndyqsyz tanydy. Biz onyń otbasymen jáne dostarymen habarlastyq. Balanyń moınyndaǵy aty jazylǵan alqasy aıǵaq bolyp tabylady. Onyń tabylǵanyna qýanyshtymyz», - dedi Berlın polıtsııasynyń baspasóz hatshysy.
Aıta keteıik, Reıdiń qaıda ekendigi týraly polıtsııanyń túrli nusqasy bolǵan. Endi quqyq qorǵaýshylar balaǵa ne áser etkenin anyqtamaqshy.
