Germanııadaǵy qazaqstandyq saılaýshylardyń 98 paıyzy daýys berdi (FOTO)
ASTANA. QazAqparat - 20 naýryz kúni Germanııada jergilikti ýaqytpen saǵat 20:00-de Berlın qalasynda ornalasqan Qazaqstan Respýblıkasy Elshiligindegi №197-shi saılaý ýchaskesi jáne Maındaǵy Frankfýrt qalasyndaǵy Bas konsýldyqta qurylǵan №219-shi saılaý ýchaskesi jumysyn aıaqtady.
Germanııadaǵy Qazaqstan Elshiligi janyndaǵy saılaý komıssııasynyń tóraǵasy Keńesshi-Elshi D. Karıpovtyń aıtýynsha, QR Parlamenti Májilisi saılaýynda daýys berýge atalǵan eldegi saılaýshylardyń 98 paıyzy qatysty.
Buǵan deıin habarlanǵandaı, ondaǵy Qazaqstan dıplomatııalyq ókildikterinde atalǵan elde turatyn nemese ýaqytsha saparda júrgen qazaqstandyqtar úshin saılaý ýchaskeleri jumys istedi. Daýys berýge qazaqstandyq dıplomattar, olardyń otbasy músheleri, stýdentter, áskerı oqý oryndarynyń kýrsanttary, dıaspora ókilderi men kásipkerler keldi.
