Germanııadaǵy ereýil: Ushaqtar Qazaqstanǵa jete almaı jatyr
ALMATY. QazAqparat - Almaty áýejaıynda Germanııadan búgin kelýi tıis reıs toqtatylǵan, dep habarlady QazAqparat tilshisi.
Almaty halyqaralyq áýejaıynyń málimetinde kórsetilgendeı, «Lufthansa» áýe kompanııasynyń Frankfýrttan Almatyǵa kelýi tıis LH648 reısi ushpaıtyn boldy. Atalǵan reıs 16 qańtarda túngi 00:50-de Almaty áýejaıyna qonýy tıis edi.
Sonymen qatar, «Eır Astana» kompanııasynyń Maındaǵy Frankfýrtqa ushatyn KC 921 reısi de toqtatyldy. Keste boıynsha ol 15 qańtarda 16:10-da Eýropaǵa jetýi qajet.
Munyń aldynda Germanııanyń segiz áýejaıynda ereýil bolatynyn habarlaǵan edik.
Atap aıtar bolsaq, Ver.di kásipodaǵy eldegi segiz áýejaıdyń qaýipsizdik qyzmetteri ókilderin ereýilge shaqyrdy.
Maındaǵy Frankfýrt, Gannover, Bremen, Gambýrg, Mıýnhen, Leıptsıg, Drezden jáne Erfýrt qalalary áýejaılarynyń qaýipsizdik qyzmetkerleri 15 qańtar, seısenbi kúni ereýilge shyqpaq. Soǵan baılanysty, atalǵan áýejaılar jumysynda aıtarlyqtaı úzilister bolýy múmkin.
