Germanııadaǵy ereýil: Qazaqstandyq jolaýshylarǵa bılet aqshasy qaıtaryldy
ASTANA. QazAqparat - Frankfýrt áýejaıyndaǵy qaýipsizdik qyzmetkerleriniń ereýilinen Qazaqstan men Germanııa arasyndaǵy birqatar áýe reısteri toqtatyldy. Bul týraly QazAqparat Azamattyq avıatsııa komıtetine silteme jasap habarlaıdy.
«Eır Astana» men «Lufthansa» áýe kompanııalarynyń habarlaýynsha, barlyq jolaýshylarǵa reıstiń ushpaıtyny týraly habarlandy. Olardyń bıletteri basqa reısterge aýystyryldy jáne keıbiri bılettiń tolyq aqysyn qaıtaryp aldy», - dep jazdy komıtet.
Buǵan deıin Germanııanyń segiz áýejaıynda ereýil bolatyny habarlanǵan edi.
Atap aıtar bolsaq, Ver.di kásipodaǵy eldegi segiz áýejaıdyń qaýipsizdik qyzmetteri ókilderin ereýilge shaqyrdy.
Maındaǵy Frankfýrt, Gannover, Bremen, Gambýrg, Mıýnhen, Leıptsıg, Drezden jáne Erfýrt qalalary áýejaılarynyń qaýipsizdik qyzmetkerleri 15 qańtar, seısenbi kúni ereýilge shyqty. Saldarynan atalǵan áýejaılar jumysynda aıtarlyqtaı úzilister boldy.
