Germanııadaǵy avtobandarda birneshe iri jol apaty boldy
NUR-SULTAN. QazAqparat - Germanııanyń shyǵysyndaǵy A71 avtomagıstralinde alty avtomobıl soqtyǵysty. Apat saldarynan eki adam qaza taýyp, tórt adam jaraqat alǵan. Onyń aldynda dál sol kúre jolda 50 avtomobıl soqtyǵysyp, 25 adam jaraqat alǵan bolatyn, dep habarlaıdy QazAqparat dw.com silteme jasap.
Qaıǵyly oqıǵa 28 sáýir, jeksenbi kúni keshkisin Zemmerda jáne Erfýrt qalalarynyń arasyndaǵy avtobanda bolǵan. Kóliktiń biri janyp ketken. Polıtseılerdiń aıtýynsha, zardap shegýshilerdi qutqarý úshin tikushaq qyzmetine júginýge týra kelgen.
Sol kúni dál osy A71 kúre jolynda, Zýl jáne Maınıngen eldi mekenderiniń arasynda kóktaıǵaq saldarynan 50 kólik soqtyǵysqan bolatyn.
Avtomobılder qatty kele jatyp, bir-birine soqtyǵysqan, keıbiri shyr aınalǵan. Apat ýchaskesi birneshe júzdegen metrge jetti.
