Germanııadaǵy jarysta Skatov Popkony utyp, kelesi aınalymǵa shyqty

ASTANA. KAZINFORM — Qazaqstandyq tennısshi, álemniń 305-raketkasy Tımofeı Skatov Bonn (Germanııa) chellendjer týrnıriniń 1/8 fınalyna ótti.

Qazaqstandyq tennısshi alǵashqy aınalymda otandasy, álemdik reıtıngide 221-oryndaǵy Dmıtrıı Popkomen sheberlik baıqasty.

Osyǵan deıin qarsylastar ózara bir ret kezdesip, onda Skatov 6:4, 6:4 esebimen utqan edi. 

Bul joly da T.Skatov 6:2, 7:5 esebimen basym tústi. Bir saǵat 37 mınýtqa sozylǵan básekede ol 2 eıspen birge 5 breık-poınttan shashaý shyǵarmady. Popko 8 eıs jasap, 8 breık-poınttyń tek ekeýin paıdalandy. 

Tımofeı Skatov shırek fınalǵa shyǵý úshin álemniń 188-raketkasy, lıvandyq Bendjamın Hassan nemese reıtıngide 260-satydaǵy rýmynııalyq Fılıp Krıstıan Jıanýdyń qaı jeńgenimen talasady. 

Eske sala keteıik, budan buryn tennısten jasóspirimder arasyndaǵy álem chempıonatynda el quramasy kimdermen oınaıtynyn jazǵan bolatynbyz.