Germanııadaǵy janarmaı baǵasynyń ósýine baılanysty uzyn kezek paıda boldy

ASTANA. KAZINFORM – Germanııada janarmaı baǵasynyń ósýine baılanysty janarmaı quıý beketterinde uzyn-sonar kezek paıda boldy, dep habarlaıdy BILD.

AQSh pen Izraıldiń Iranmen qaqtyǵysy aıasynda Germanııadaǵy avtokólik júrgizýshileri benzın men dızel otyny baǵasynyń kúrt qymbattaýynan qaýiptenip, kólikterin janarmaımen toltyryp alyp jatyr. Bul týraly Janarmaı quıý beketteri qaýymdastyǵynyń ókili Herbert Rabl málimdedi.

— Germanııa boıynsha janarmaı quıý beketterinde uzyn kezekter baıqalady. Barlyǵy alańdaýly, — dedi ol.

Janarmaı baǵasy qazirdiń ózinde óse bastaǵan. Іri kontsernder baǵaǵa taǵy «eki-úsh paıyz» qosatynyn habarlady. Juma kúni Super E10 markaly benzınniń bir lıtri 1,780 eýro bolsa, jeksenbi kúni — 1,791 eýro, al dúısenbide — 1,830 eýroǵa jetken.

Allgemeiner Deutscher Automobil-Club (ADAC) ókiliniń aıtýynsha, aldaǵy ýaqytta baǵanyń odan ári ósýi kútiledi.

Aıta ketelik Germanııadaǵy jumyssyzdar sany 3 mıllıonnan asqan edi.