Germanııadaǵy keme jóndeý ornynda iri órt boldy
ASTANA. KAZINFORM – Seısenbi kúni tańerteń Rendsbýrg okrýgindegi Lıýrssen keme jóndeý ornynda tseh órtendi.
Órtti sóndirýge tótenshe jaǵdaılar qyzmetiniń 300-ge jýyq qyzmetkeri keldi. Keshke qaraı órt aýyzdyqtaldy, jalyn basqa ǵımarattarǵa taralǵan joq. Sý atqyshtar, órt sóndirý qaıyqtary jáne shynjyr tabandy tehnıka paıdalanyldy.
Shaht-Aýdorf aımaǵy men onyń keıbir bólikteri ýaqytsha evakýatsııalanyp, turǵyndarǵa keshke úılerine qaıtýǵa ruqsat etildi.
Polıtsııanyń málimetinshe, búlingen ǵımarat ishinde bir ıahta da bolǵan, ol órtenip ketti. Lürssen-Kröger keme jasaý orny ıahta jasaýmen tanymal.
Keltirilgen shyǵynnyń naqty kólemi ázirge belgisiz.
Órttiń shyǵý sebebi áli anyqtalǵan joq. Alaıda órttiń salynyp jatqan ıahtadan shyqqany belgili boldy.
