Germanııadaǵy aptap ystyqtan 5 myńnan astam adam kóz jumdy
ASTANA. KAZINFORM — Maýsym aıynda Germanııadaǵy aptap ystyq saldarynan shamamen 5,1 myń adam qaıtys bolǵan. Robert Koh ınstıtýtynyń ǵalymdary mundaı aýa raıy áli biraz adamǵa qaýip tóndiretinin boljap otyr, dep habarlaıdy BelTA.
Instıtýttyń 9 shildede jarııalanǵan modeldik esepterine sáıkes, maýsymdaǵy ekstremaldy ystyq saldarynan shamamen 5 100 adam kóz jumǵan. Onyń ishinde maýsymnyń sońǵy aptasynda 4,3 myńnan astam adam qaıtys bolǵan.
Zertteýshilerdiń aıtýynsha, aptap ystyqtyń naqty zardaby budan da aýyr bolýy múmkin. Germanııanyń federaldyq statıstıka basqarmasynyń baǵalýynsha, eń ystyq apta 22–28 maýsym aralyǵynda — ólim kórsetkishi 6,8 myńdy kórsetken.
Maýsymnyń sońǵy aptasynda tirkelgen +41°C-tan joǵary temperatýra Ońtústik Eýropa úshin qalypty qubylys sanalǵanymen, Germanııa úshin bul rekordtyq kórsetkish boldy.
Copernicus klımattyń ózgerýin baqylaý qyzmetiniń (C3S) málimetinshe, 2026 jyldyń maýsymy Batys Eýropadaǵy eń ystyq maýsym boldy. Óńirdegi ortasha temperatýra 20,86°C-qa jetip, 1991–2020 jyldardaǵy maýsym aıynyń ortasha kórsetkishinen shamamen 3 gradýsqa joǵary bolǵan.
Aıta keteıik, Germanııada bir kúnde ekinshi ret temperatýra rekordy tirkeldi.
Sondaı-aq elde aptap ystyq saldarynan ormandar órtenip jatyr.
