Germanııadaǵy áleýmettik ahýal: 13 mıllıonnan asa adam kúnkóris qıyndyǵyn kórip otyr

ASTANA. KAZINFORM — Germanııada óz kúnkórisin qamtamasyz etýde qıyndyq kórip, kedeılik qaýpine ushyraǵan adamdar sany artyp keledi, dep habarlaıdy AZERTADJ Tagesschau-ǵa silteme jasap.

Federaldyq statıstıka basqarmasynyń derekterine sáıkes, 2025 jyly shamamen 13,3 mıllıon adam kedeılik qaýpinde ómir súrgen. Áleýmettik belsendilik kórsetkishteri boıynsha jaǵdaı odan da kúrdeli ekeni baıqalady.

Tabysy eldegi medıandyq tabystyń 60 paıyzynan tómen azamattar kedeılik qaýpindegi adamdar sanatyna jatady.

Esepke sáıkes, jalǵyz turatyndar, jalǵyzbasty ata-analar jáne jumyssyzdar kedeılikke eń osal toptar qatarynda tur.

Alaıda eń joǵary qaýip jumyssyzdar arasynda tirkelgen: olardyń shamamen 65 paıyzy kedeılik sheginen tómen ómir súredi.

Buǵan deıin habarlanǵandaı, halyqaralyq sanktsııalar kúsheıgen saıyn Irandaǵy teńsizdik pen kedeılik ýshyǵyp barady.

Al Ózbekstan bıligi 2030 jylǵa deıin kedeılik deńgeıin eki ese azaıtýǵa nıetti.