Germanııada jylyna 1 eýro tólep páter jaldaýǵa bolady
ASTANA. QazAqparat - Germanııa óziniń keremetterimen tańǵaldyrýdan jalyǵar emes. Nemisterdiń Aýgsbýrg qalasynan jylyna 1€ eýro tólep páter jaldap turýǵa bolady. Ol úshin tek úsh qaǵıdaǵa sáıkes kelseńiz jetkilikti, dep jazady massaget.kz.
1521 jyly tanymal bank mamany ıAkob Fýggerdiń jasap ketken jobasy áli kúnge deıin óz jalǵasyn tabýda. "Fýggerııa" esimimen nemis jurtshylyǵyna tanys meken 500 jyl ótse de, óz qundylyǵyn joǵaltpaǵan. Sol ýaqytta atalǵan jobanyń negizin qalaýshy azamat óziniń salǵan úıine adamdardy tegin turǵyzýǵa úndeý tastaǵan. Ol úshin tek úsh qaǵıdadan súrinbeı ótý kerek.
Páterge kezekke turýshylarǵa mynandaı qaǵıdalar kórsetilgen. Eń birinshi Aýgsbýrg qalasynan bolýy tıis. Al ekinshiden, katolık dinin ustansa, úshinshiden kedeı bolýy mindetti. Búgingi tańda munda 150 turǵyn ómir súredi. 140 páterge ıelik etip otyrǵan jandarǵa arnaıy kúzetshi de qoıylǵan. Turǵyn úıdiń qaqpasy túńgi 10-da jabylyp, tańǵy 5-te ashylady. Al kórsetilgen ýaqyttan keshikken úı ıeleri 50 tsent tólep, bólmelerine jaıǵasady. Bul asa iri kólemdegi soma emes, alaıda "Fýggerııa" mekeniniń jarty jyldyq páter aqysy. Munymen qosa komýnaldyq tólem jyldyq qarjydan bólek tólenedi.
"Fýggerııa" - kóne ǵımarattardyń biri. Bul jerge týrıster arnaıy at basyn buryp, 500 jyldyq órkenıettiń qalashyǵymen tanysyp ketedi. Atalǵan jobany jaýyp tastaýdy áli eshkim oıyna da almaǵan.
