Germanııada jumyssyzdar sany 3 mıllıonnan asty

ASTANA. KAZINFORM — Germanııanyń Federaldyq eńbek agenttiginiń derekterine sáıkes, qazirgi ýaqytta el aýmaǵynda 3,085 mln adam jumyssyz otyr, dep habarlaıdy DW.

2025 jylǵy jeltoqsan aıynan beri jumyssyzdar sany 177 myń adamǵa artqan, al bir jyl buryn bul kórsetkish 92 myńǵa az bolǵan.

Osylaısha, eldegi jumyssyzdyq deńgeıi 6,6% boldy.

Germanııada jumyssyzdar sany mundaı joǵary deńgeıge sońǵy ret 2014 jylǵy aqpanda jetken ol kezde shamamen 3,188 mln adam tirkelgen.

Federaldyq eńbek agenttiginiń basshysy jumyssyzdyqtyń ósýin maýsymdyq faktorlarmen túsindirdi.

Onyń aıtýynsha, qańtar aıynda jumyssyzdyq deńgeıi ádette ósedi, sebebi jyl sońynda ýaqytsha eńbek kelisimsharttary aıaqtalady, sondaı-aq aýa raıyna táýeldi salalarda qurylys, aýyl sharýashylyǵy jáne týrızmde jumyspen qamtý kólemi qysqarady. 

Aıta ketelik Germanııada kóleńkeli ekonomıkanyń kólemi 500 mlrd eýrodan asty.