Germanııada jumyssyzdar sany 2021 jyldan bergi eń joǵary kórsetkishke jetti

ASTANA. KAZINFORM – Germanııada qazan aıynda jumyssyzdyq deńgeıi 6,1 paıyz artty. Bul týraly eldiń Jumyspen qamtý federaldy agenttigi málimdedi.

Vedomstvonyń málimetinshe, Germanııada osy aıda jumyssyzdar sany 27 myń adamǵa kóbeıgen. Osylaısha, 2023 jyldyń qazan aıymen salystyrǵanda, jumyssyzdar sany 183 myń adamǵa artyp otyr.

2024 jyldyń qazan aıyndaǵy jumyssyzdyq deńgeıi 6 paıyz deńgeıinde ózgerissiz qaldy. 2023 jyldyń sáıkes kezeńimen salystyrǵanda bul kórsetkish 0,3 paıyz ósken.

Bul – 2021 jyldyń aqpanynan bergi eń joǵary deńgeı. Buǵan deıin jumyssyzdyq tórt aı qatarynan 6 paıyz bolǵan.

Sarapshylar orta eseppen jumyssyzdar sany 15 myńǵa artyp, jumyssyzdyq 6,1%-ǵa deıin ósedi dep boljaǵan, dep habarlaıdy Trading Economics.

Qazan aıynda ashyq bos jumys oryndarynyń sany 689 myń boldy. Bul qyrkúıek aıyndaǵy kórsetkishten 7 myńǵa, ótken jyldyń sáıkes kezeńimen salystyrǵanda 60 myńǵa az.

Buǵan deıin Germanııada dári-dármek tapshylyǵy bastalǵanyn jazǵan bolatynbyz.