Germanııada jumys oryndary qysqaryp jatyr
ASTANA. KAZINFORM – Germanııada jumys oryndaryn qysqartý úrdisi aldaǵy ýaqytta da jalǵasady, dep habarlaıdy DW.
Eń aýqymdy qysqartý ondaǵan myń jumys orny metallýrgııa jáne elektrotehnıka salalarynda bolady dep boljanyp otyr. Mundaı pikirdi Gesamtmetall jumys berýshiler qaýymdastyǵy bildirdi.
— Germanııadaǵy salyq, energııa shyǵyny men eńbek quny sonshalyqty joǵary, kóptegen kompanııa úshin munda óndiris júrgizý endi tabysty bolmaı qaldy. Qazir biz aı saıyn shamamen 10 myń jumys ornyn joǵaltyp jatyrmyz, — dedi Gesamtmetall uıymynyń basshysy Olıver Zander Bild gazetine bergen suhbatynda.
Zander Germanııa úkimetin Eýroodaq bıýrokratııasyna qatysty anaǵurlym qatań ustanym ustanýǵa shaqyrdy.
Onyń aıtýynsha, 2025 jyl Eýropalyq komıssııa qabyldaǵan jáne mindetti túrde oryndalýy tıis quqyqtyq aktiler men olarǵa engizilgen túzetýler sany boıynsha rekordtyq jylǵa aınalǵan.
Aıta ketelik Germanııada biraz salada jumys oryndary qysqaratyny týraly jazǵan edik.