Germanııada jolaýshylar poıyzynyń mashınısteri eki kúnge jumysyn toqtatady
NUR-SULTAN. QazAqparat – Germanııada jolaýshylar poıyzynyń mashınısteri dúısenbi túngi ekiden bastap 25 tamyz túngi ekige deıin jumysyn toqtatty, dep habarlaıdy QazAqparat dw.com-ge silteme jasap.
Bul ereýilge GDL Nemis mashınıster kásipodaǵy Deutsche Bahn kontserniniń basshylyǵymen tarıfke qatysty kelissóz júrgizý barysynda shaqyrdy. Ereýildiń saldary eldegi mıllıondaǵan jolaýshyǵa áser etedi.
Germanııada taýar tasıtyn poıyz mashınısteriniń ereýili 21 tamyz kúni bastaldy. GDL kásipodaǵy osy jyly mashınısterdiń aılyǵyn 3,2%-ǵa ósirýdi, sonymen qatar 600 eýro kólemindegi bir jolǵy tólem berýdi surap otyr. Deutsche Bahn aılyqty eki kezeńmen ósirýdi usyndy. 2022 jyldyń 1 qańtary 1,5%-ǵa ósirilse, 2023 jyldyń 1 naýryzy mashınıster jalaqysy 1,7%-ǵa kóterilmek.
Alaıda GDL EVG iri temirjol jáne kólik qyzmetkerleri kásipodaǵymen jasalǵan ujymdyq tarıftik kelisimshart sııaqty bul sharttardy jetkiliksiz sanaıdy.
Osy ereýil kelissózderdiń ekinshi kezeńi bolyp otyr. Birinshi kezeń 13 tamyz kúni bastalyp, eki kúnge sozylǵan.
