Germanııada joǵary jyldamdyqty poıyz apatqa ushyrady
ASTANA. QazAqparat - Germanııadaǵy Dortmýndta temir jol apaty oryn aldy. Dıýsseldorftan Berlınge baǵyt alǵan joǵary jyldamdyqty jolaýshylar poıyzy quramy relsten shyǵyp ketken.
Twitter-de federaldy polıtsııa qutqarý qyzmetiniń sońǵy úsh vagondaǵy jolaýshylardy evakýatsııalap jatqandyǵyn habarlady. Bul jumystarǵa tikushaq tartylǵan. Ázirge zardap shekkender men qurban bolǵandar jaıly málimet túse qoımaǵan.
Apat Dortmýdtyń basty vokzalyna jaqyn jerde oryn aldy. Qazirgi ýaqytta vokzal jabyq. Poıyzdar basqa jermen ótýde. Oqys oqıǵanyń bolǵanyn GFR-diń Deutsche Bahn temirjol kontserni de rastady.
