Germanııada janarmaı daǵdarysy aıasynda elektromobılder satylymy kúrt ósti

ASTANA. KAZINFORM — Naýryz aıynda elde 70 663 jańa jeńil elektrli kólik tirkeldi. Bul týraly Germanııanyń Federaldyq avtokólik basqarmasy habarlady, dep jazady DW. 

Atalǵan kórsetkish ótken jyldyń osy kezeńimen salystyrǵanda 66,2%-ǵa joǵary.

Jalpy tirkelgen jeńil kólikter ishinde elektromobılderdiń úlesi 24%-ǵa jetti. Naryqtyń 40%-y gıbrıdti kólikterge tıesili. Onyń ishinde 10,2%-y — tek elektr qýatymen júre alatyn qýattalatyn gıbrıdter.

Jalpy alǵanda, naýryz aıynda Germanııada jańa jeńil kólikter satylymy 16%-ǵa ósip, 294 161 birlikti qurady.

Bul kórsetkish maýsymdy 2024 jyldyń maýsymynan bergi eń tabysty aıǵa aınaldyrdy, dep jazady Der Spiegel.

Budan buryn Germanııada dızel baǵasy tarıhı rekord jańartqany týraly jazǵanbyz.

Sonymen qatar, bıyl Germanııaǵa qazaqstandyq munaıdy jetkizý kólemi artatyny belgili boldy.