Germanııada vaktsınalanǵan adamdarǵa jeńildik jasalmaq

BRıÝSSELЬ. QazAqparat – Germanııanyń densaýlyq saqtaý mınıstri Iens Span tolyǵymen vaktsınalanǵan GFR turǵyndary qalypty ómir saltyna jyldam orala alatynyn málim etti, dep habarlaıdy QazAqparat menshikti tilshisi.

Germanııanyń densaýlyq saqtaý vedomstvosynyń basshysy vaktsına alǵan adamdar koronavırýsqa tapsyrǵan testisi teris nátıje kórsetýi tıis degen sııaqty shekteý sharalarynsyz saıahattaýǵa, dúkenderge nemese shashtarazdarǵa bara alatynyn aıtty.

I.Span óziniń málimdemesin nemis ǵalymdarynyń Federaldyq densaýlyq saqtaý mınıstrligine jasaǵan baıandamasynyń sońǵy ǵylymı nátıjelerine negizdedi.

Nemistiń Robert Koh atyndaǵy Aýrýlarmen kúres ınstıtýty tolyq vaktsınalanǵan adamdar endi karantınge jatqyzylmaýy múmkin dep sanaıdy.

Instıtýt ekinshi dozany alǵannan keıin 15 kún ótken soń vaktsınalanǵan adamdardan ınfektsııanyń berilý qaýpi ınfektsııa belgileri joq tulǵalarǵa qaraǵanda az bolǵanyn jáne tek antıgenge ekspress testisi teris bolǵanyn aıtady.

Qazirgi ýaqytta Germanııa turǵyndarynyń 12%-dan astamy COVID-19-ǵa qarsy eki faktorly vaktsınanyń alǵashqy dozasyn aldy, bul 10 mıllıonnan astam azamatty quraıdy.

Avtor: Arnur Rahymbekov