Germanııada vaktsınatsııa naýqany 38 myń ólim-jitimniń aldyn aldy

NUR-SULTAN. QazAqparat - Koronavırýstyń taralýyna qarsy vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Germanııadaǵy vaktsınatsııa naýqany eldegi kovıdten 38 myń adam ólimin boldyrmaýǵa jáne ınfektsııanyń 700 myń jaǵdaıyn azaıtýǵa kómektesti.

Mundaı málimetter Robert Koh ınstıtýtynyń jańa esebinde kórsetilgen.

Koronavırýsqa qarsy vaktsınatsııa Germanııada jeltoqsan aıynyń sońynda bastaldy.

Polıtsııa Frantsııanyń Lıon qalasyndaǵy sanıtarlyq ótkizýlerge qarsy sherýde kózden jas aǵyzatyn gaz qoldandy.

Manıfestanttardyń qatarynda bolǵan ekstremıster polıtsııaǵa tas pen bótelke laqtyra bastaǵan.

Bul - sanıtarlyq ruqsattama júıesin keńinen qoldanýǵa qarsy jalpyulttyq narazylyqtardyń tórtinshi kúni.

Japonııada úshinshi kún qatarynan koronavırýs ınfektsııasynyń kúndelikti ósim rekordy jańaryp otyr: elde táýlik ishinde 15 645 jańa ınfektsııa anyqtaldy.

Sonymen qatar, Taılandta koronavırýspen aýyratyndardyń sany boıynsha antırekord ornady – 21 838 jaǵdaı.