Germanııada vaktsına almaǵan eki adamnan artyq jınalýǵa tyıym salyndy

BERLIN. QazAqparat – Eýropanyń birqatar elderinde koronavırýstyń órshýine baılanysty karantın shekteýleri qatańdap jatyr, dep habarlaıdy QazAqparat Euronews agenttigine silteme jasap.

Qańtar aıynyń ortasynan bastap Frantsııada basqa elderdegideı «vaktsına qujaty» iske qosylyp, qolynda PTR teris nátıjesi bar adamdar endi kópshilik sharalar, meıramhanalar jáne uqsas jerlerge bara almaýy múmkin.

Biraq tıisti zańdy áli parlament bekitýi tıis. Parıjde qaıta vaktsına alýdyń tórtinshi dozasy engiziletinini joqqa shyǵarylmady.

Alaıda respýblıka bıligi lokdaýn engizbeýdi ýáde tip otyr.

Berlınde jańa shekteýler seısenbiden bastap kúshine enedi. Endi elde vaktsına alǵan on adamnan, ekpe salynbaǵan ekiden kóp adam kezdese almaıdy, túngi klýbtar jabylýda, al sport sharalary kórermensiz ótedi.

Avstrııada shekteýler dúısenbiden bastap kúshine engen. Endi eldegi meıramhanalar keshki saǵat 10-nan jabylýǵa mindetti.

Anglııada, kerisinshe, Jańa jylǵa qaraı shekteýler engizbeý jóninde sheshim qabyldandy.

Brıtandyq premer Borıs Djonson túngi klýbtar, bı oryndary men meıramhanalardyń ózderine yńǵaıly ýaqytta jumys isteı alatynyn qaýly etti.

Alaıda Qurama koroldiktiń qalǵan basqa bólikteri – Shotlandııa, Ýels jáne Soltústik Irlandııa kópshilik jınalatyn uıymdar jumysy men jeke kezdesýlerge qatysty qatań shekteýler engizgen.

Lıssabon áýejaıynda ushar aldynda PTR testin tapsyryp úlgermegen myńdaǵan saıahattaýshy qalyp qoıǵan: áýejaı zerthanasynda test ótkizýge arnalǵan materıaldar taýsylyp qaldy.

Krısmas aldyndaǵy kúnderi zerthana úzilissiz jumys istedi. Jolaýshylarǵa birneshe saǵat tosyp turý, ne bıletterin aýystyrýǵa týra kelgen.