Germanııada túıe saýyp, sútin satatyn jalǵyz ferma bar
Tómengi Saksonııadaǵy Vısselhevede qalasynyń maǵynda turatyn Markvard otbasynyń fermasynda 60 nar (dromedar) men qos órkeshti (baktrıan) túıe mekendeıdi. Túıeni negizinen týrısterdi mingizip, ádemi jerlermen qydyrtý úshin paıdalanǵan.
Dpa aqparattyq agenttiginiń habarlaýynsha, eýropalyq sút ónimderin óndirýshiniń ruqsatyn alǵan ferma aldaǵy ýaqytta bótelkege quıylǵan pasterlengen túıe sútin shyǵarýdy bastap, ony sata alady. Ónimdi Eýroodaqtyń barlyq elderine jetkizýge quqyq beretin sertıfıkatty resimdeý úshin birneshe shartty oryndaý qajet bolǵan. Súttiń bir lıtriniń baǵasy 11 eýro shamasynda.
Munda túıe súti buryn da satylǵan, biraq jańa saýylǵan quıylmaly sýsyn satyp alýshylarǵa osy jerde ǵana beriletin. Bul Germanııada túıe sútin satýmen aınalysatyn ázirge jalǵyz ferma.
Fermanyń ıesi Beke Markvardtyń (Beke Marquard) aıtýynsha, pasterleý ıaǵnı, 72 gradýsqa deıin ǵana qyzdyrý, súttiń taǵamdyq qasıetin jaqsy saqtaýǵa kómektesedi. Bul ónimge tapsyrys Berlın qalasy men eldiń shyǵysyndaǵy Garts aýdanynan berildi. sondaı-aq irimshik óndirisi úshin Aýstrııadan tapsyrys túsken.
