Germanııada týrısterge qosymsha salyq salynbaq
ASTANA. 30 sáýir. QazAqparat - 1 shildeden bastap Berlınde qoanqúıde turatyn týrısterge qosymsha 5 paıyz kóleminde salyq salynady, dep habarlady Týrızm.rý saıty.
Nemis astanasynyń ókimet oryndary salyqtan túsken qarjyny ǵımarattar men kommýnıkatsııalardy jóndeýge jumsamaq.
Bundaı alymdy qonaqúılerge, jataqhanalarǵa nemese basqa da úı ıelerine toqtaǵan týrıster tóleıtin bolady. Associated Press agenttiginiń habarlaýynsha, Berlın ókimet oryndary osy arqyly jylyna 25 mln. eýro qarjy túsirýge úmittenedi.
Degenmen el astanasyna bıznes isteri boıynsha kelgen adamdarǵa mundaı salyq salynbaıdy. Alaıda qala bıligi týrıster men bıznesmenderdi qalaı ajyratatynyn naqtylamaǵan.
Qonaqúı bıznesiniń ókilderi bıliktiń bul ıdeıasyn synǵa alýda, biraq olar saıasatkerlerdiń sheshimin ózgerte almasy anyq. Mundaı salyq buǵan deıin Bremen, Gambýrg jáne Lıýbek qalalarynda engizilgen bolatyn.
