Germanııada týrıster mingen avtobýs apatqa ushyrady
ASTANA. 2 maýsym. QazAqparat - Germanııada týrıster mingen avtobýspen baılanysty iri jol-kólik oqıǵasy bolyp, 22 adam zardap shekti, dep habarlaıdy Bı-Bı-Sı orys jańalyqtar qyzmeti.
"Ázirge avtobýsta qaı eldiń azamattary bolǵany belgisiz, tek onyń Shveıtsarııadan shyqqany týraly habarlanýda. Oqıǵa Hartaım kommýnasyndaǵy A5 tasjolynda (Baden-Vıýrtemberg jeri) boldy", - dep naqtylaıdy ITAR-TASS.
Eki qabatty avtobýs joldan shyǵyp, tasjolǵa jaqyn jerdegi ormanǵa kirip ketken. Apat ornynda qutqarýshylar men polıtsııa jumys isteýde. JKO sebepteri anyqtalýda.
