Germanııada Tramptyń «Mersedesi» satylyp jatyr
ASTANA. QazAqparat - Germanııanyń Vaghoızel qalasyndaǵy dpa agenttigi AQSh prezıdentine tıesili bolǵan kólikti saýdaǵa shyǵardy, dep habarlaıdy dw.com.
Mashınanyń qujattaryna qarasaq 1987 jyly shyqqan qyzyl tústi «Mersedes» 560SL Ivana men Donald Trampqa tıesili bolǵan. Ivana Tramp kúıeýimen ajyrasqan soń ózine tıgen kabrıoletti Florıdadaǵy vıllaǵa qosyp satyp jibergen.
Kólik Germanııaǵa úsh jyl buryn Italııadan jetkizilgen. Eski múlikterdi satyp alýshy nemis saýdageri oǵan 40 myń eýro tólegen, ol qazirgi saýdadan eki ese artyq paıda tabýdy kózdep otyr.
Mashınanyń satylymǵa qaıda jáne qalaı shyǵarylatyny jóninde birneshe kún ishinde belgili bolady.
