Germanııada Toǵyzqumalaqtan Eýropa Chempıonatyn Qaraǵandy oblysynyń burynǵy turǵyny uıymdastyrǵan (FOTO)
ASTANA. QazAqparat - 23-24 shilde kúni Germanııada Shvaınfýrt qalasynda toǵyzqumalaqtan ótken Eýropa Chempıonatyn burynǵy Qaraǵandy oblysynyń turǵyny ıÝrıı Nold uıymdastyrǵan. Bul týraly qaraǵandylyq azamatsha Svetlana Dement habarlady.
«Halyqaralyq týrnırdiń uıymdastyrýshysy - Qaraǵandy oblysy Jańaarqa aýdanynyń burynǵy turǵyny ıÝrıı Nold, toǵyzqumalaq oınynyń jattyqtyrýshysy. Ol shetelde qazaqtyń ulttyq oınyn damytýǵa óz úlesin qosýda. Sol jaqtan pikirles azamattardy taýyp aldy. ıÝrııdiń januıasynda toǵyzqumalaqqa yntyzar tek ol ǵana emes. Onyń qyzy Irına toǵyzqumalaqtan Qazaqstan chempıony jáne toǵyzqumalaq boıynsha sport sheberi atandy», - deıdi S. Dement.
Onyń sózine qaraǵanda, Germanııada toǵyzqumalaqtan bıyl jarys úshinshi ret ótýde. Bıyl ony Qazaqstan tarapy qarjylandyryp otyr.
S. Dement Feısbýktegi paraqshasynda týrnırdiń jańalyqtarymen bólisti. Oǵan onyń Germanııada turatyn dosy Irına Krasnova kómektesýde.
Olardyń aqparattary boıynsha, jarysqa Germanııa, Frantsııa, Ispanııa, Gretsııa, Shveıtsarııa, Somalı, Qazaqstan, Reseı syndy 13 elden 40 sportshy qatysýda.
«Birinshi kezeńde erler men áıelder jeke-jeke synasady. Eń basty aıqas úshinshi ústelde oryn alady. Ira Nold, ıÝrııdiń qyzy jáne meniń nemere sińilim, Qazaqstan chempıony ári sport sheberi. Shveıtsarııadan professor keldi, mankala tobyna jatatyn oıyndar úshin qajetti taqtaıshalar alyp keldi», - dedi chempıonattyń «baspsóz hatshysy» I.Krasnova.
«Chempıonattyń alǵashqy kúni nemistiń mankala tıptes oıyny - Bohnenspiel-men aıaqtalady. Ol toǵyzqumalaqqa qaraǵanda, edáýir jeńil. Oǵan barlyǵy: qazaqstandyq qatysýshylar sekildi myqty grossmeısterler de, ıÝ.Noldtiń ózi, tipti endi úırenip jatqandar da qatysa alady. Áıelder erlermen birge teń oınaı alady», - dedi ol.
Eske sala ketsek, 23-24 shilde kúnderi Germanııanyń Shvaınfýrt qalasynda toǵyzqumalaqtan Eýropa chempıonaty ótýde. Keshe bastalǵan Eýropa chempıonatyna Qazaqstan, Germanııa, Frantsııa, Grekııa, Shveıtsarııa, Ispanııa, Reseı, Chehııa men taǵy basqa on eldiń sportshylary qatysyp jatyr.
Eýropa chempıonatynyń ashylýyna Dúnıejúzilik toǵyzqumalaq federatsııasynyń prezıdenti Álıhan Baımenov pen Qazaqstan Mádenıet jáne sport mınıstrligi Sport jáne dene shynyqtyrý isteri Komıtetiniń tóraǵasy Elsııar Qanaǵatov, Shvaınfýrt meri Karl Haınts Kaýchok qatysty.
