Germanııada terakt uıymdastyrmaq bolǵan bosqyn ustaldy

ASTANA. QazAqparat - Germanııada sırııalyq mıgrant ustaldy. Oǵan terrorıstik akt uıymdastyrmaq boldy degen kúdik keltirilip otyr. Bul týraly dúısenbi, 2 qańtar kúni Reuters agenttigi el prokýratýrasyna silteme jasap habarlady.

Vedomstvo ókiliniń habarlaýynsha, 2016 jyldyń jeltoqsany kúni eldiń batysyndaǵy Saarbrıýkken qalasynda kúdikti óziniń tanysyna uıaly baılanys telefonymen habarlasyp, áńgimelesip otyrǵan adamynan jarylǵysh zat pen júk kólikterin satyp alýǵa 180 myń eýro suraǵan. Ol atalǵan jarylǵysh zatty júk kólikterine qosyp, halyq shoǵyrlanǵan aımaqqa engizip jibermek bolǵan.

Kúdikti senbi kúni, 31 jeltoqsanda ustalǵan. Bosqynnyń aty-jóni ázirge qupııa. Ol Germanııaǵa Sırııadan osydan eki jyl buryn kelgen.
Ol óziniń «Islam memleketi» uıymynyń ókilderimen baılanysýǵa oqtalǵanyn moıyndady. Alaıda terakt daıyndaǵandyǵyn moıyndamaı otyr. Onyń sózinshe, aqsha onyń jeke ózine qajet bolǵan.

19 jeltoqsan kúni Berlınde júk kóligi kóshedegi bazarda saýda jasaýshylardy qaǵyp ótken. Kólikti basqaryp otyrǵan adam izin jasyryp úlgergen. Alaıda kólikte taǵy bir adam otyrǵan ol, mert boldy. Osy oqıǵanyń saldarynan 12 adam qurban bolyp, 48 adam dene jaraqattaryn aldy. Germanııa bıligi muny terakt dep baǵalap otyr.