Germanııada tegin oqyǵysy keletin qazaqstandyqtar úshin ótinish qabyldaý bastaldy
ASTANA. QazAqparat - Germanııada 2019-2020 oqý jylyna ótinishter qabyldaý ýaqyty bastaldy. Bul týraly QazAqparat «Bolashaqtyń» saıtyna silteme jasap habarlaıdy.
DAAD www.daad.kz nemis akademııalyq almasý qyzmetiniń veb-saıtynda Germanııadaǵy bakalavrıattan PhD-ǵa deıin oqý baǵdarlamalaryn tabýǵa bolady.
Tómendegi aǵylshyn tilindegi oqý baǵdarlamalary boıynsha aqparattyq broshıýralardyń siltemesi:
Germanııadaǵy halyqaralyq Bakalavrıat baǵdarlamalary
Germanııadaǵy halyqaralyq Magıstratýra baǵdarlamalary
Germanııadaǵy halyqaralyq Doktorlyq baǵdarlamalar
Bul aqparattyq broshıýralar aǵylshyn baǵdarlamalaryn, ýnıversıtetterdi, qalany, oqytýdyń bastalý ýaqyty, veb-saıttyń siltemelerin jáne elektrondyq poshtany kórsetedi.
NB: Medıtsına jáne quqyq baǵdarlamalarynyń kópshiligi tek nemis tilinde ekenin eskerý qajet.
Bakalavrıattyń negizgi qujattary:
Tildik sertıfıkat: DSH, TestDaF, IELTS (6.0-den bastap), TOEFL (eń azy 80);
Orta (tolyq) jalpy bilim týraly attestat nemese oqý ornynan alynǵan anyqtama men transkrıpt (eger attestat bolmasa);
NB: 11 jyldyq bilim berý mektebiniń barlyq túlekteri úshin daıyndyq kýrstaryn (shtýdıenkolleg) nemis tilinde ótý kerek. Nemese qazaqstandyq ýnıversıtette 1 kýrs oqýdy bitirý qajet, sodan keıin Germanııada ýnıversıtetke túsý kerek.
Akademııalyq anyqtama nemese dıplom (keminde 1 jyl joǵary bilim nemese ýnıversıtet aldyndaǵy daıyndyq ótý týraly (stýdenttik kolledjder);
Motıvatsııalyq hat;
Rezıýme.
Magıstratýraǵa arnalǵan negizgi qujattar:
Tildik sertıfıkat: DSH, TestDaF, IELTS (6.5-ten bastap), TOEFL (eń az 80);
Bakalavr dıplomy nemese oqý ornynan alynǵan anyqtama men transkrıpt (eger dıplom bolmasa);
Motıvatsııalyq hat;
Rezıýme.
PhD doktorantýrasynyń negizgi qujattary:
Tildik sertıfıkat: DSH, TestDaF, IELTS (6.5-ten bastap), TOEFL (eń az degende 80);
Magıstr dıplomy nemese oqý ornynan alynǵan anyqtama men transkrıpt (eger dıplom bolmasa);
Usynym hattar;
Zertteý jobasy;
Motıvatsııalyq hat;
Rezıýme.
Barlyq qujattar nemis nemese aǵylshyn tiline aýdarylyp, notarıaldy kýálandyrylýy qajet.
Ótinishterdi qabyldaý merzimi baǵdarlamalar men ýnıversıtetterge baılanysty: naýryz, sáýir, mamyr, maýsym, shilde.
