Germanııada sot ata-anasyna qyzynyń akkaýntyna kirýge ruqsat bermedi
ASTANA. QazAqparat - Germanııanyń apellıatsııalyq soty ózine-ózi qol jumsaǵan qyzynyń ólimine kimniń sebepshi bolǵanny bilgisi kelgen ata-anasyna onyń Feısbýktegi akkaýntyna kirýine ruqsat bermedi. Bul týraly BBC habarlaıdy.
Qyzdyń ata-anasy 2012 jyldan beri onyń akkaýntyna kirýge ruqsat ala almaı júr. Olardyń 15 jastaǵy qyzy metrodaǵy poıyzdyń astyna túsip qaza tapqan bolatyn. Olar qyzdarynyń óz-ózine qol jumsaǵanyna senimdi jáne oǵan bireý ıtermeledi dep esepteıdi. Facebook kompanııasy qaza tapqan jasóspirimniń jeke paraqshasyna kirýge ruqsat bermegen, sondyqtan onyń ata-anasy sotqa shaǵymdanǵan.
Berlınniń birinshi soty Facebook-ti qyzdyń ata-anasyna onyń esep jazbasyn berýge mindettegen edi. Sebebi, zańnamaǵa sáıkes, esep jazbasyn hattar men kúndelikpen birge onyń mazmunyna qaramastan «muragerlik jolmen» qaraýǵa bolatyn. Facebook kompanııasy sottyń sheshimimen kelispeı, apellıatsııaǵa berip, bul joly sot kompanııanyń paıdasyna sheshim shyǵardy. Sýdıanyń úkimine sáıkes, qyz ben áleýmettik jeli arasynda kelisimshart bolǵan jáne ol onyń ólimimen bir ýaqytta aıaqtalǵan.
