Germanııada sońǵy 250 jylda alǵash ret paıda bolǵan jabaıy ógiz óltirildi
ASTANA. QazAqparat - Nemistiń Lebýs qalasynda sońǵy 250 jylda alǵash ret paıda bolǵan eýropalyq jabaıy ógiz óltirildi. Dúnıejúzilik jabaıy tabıǵat qorynyń ókilderi bar aıypty qala bıligine artyp otyr.
Bul jaıly aǵylshynnyń The Independent basylymy habarlaıdy. Adamdar sırek kezdesetin ógizdi Berlınnen nebári 88 shaqyrym qashyqtyqta ornalasqan Lebýs qalasy arqyly ótetin Odra ózeniniń jaǵasynan baıqaǵan. Eki eldiń shekarasynda ornalasqan polıaktardyń «Ýıstse-Varta» ulttyq saıabaǵynda mekendeıtin janýar bul aımaqqa adasyp kelgen degen boljam bar. Ógizden qaýiptengen qala bıligi ony óltirýge sheshim qabyldaǵan.
Qor saıtynda atalǵan ógizdiń adam ómirine qaýpi joqtyǵy jazylǵan. Bul janýar halyqaralyq tabıǵatty qorǵaý odaǵynyń qyzyl tizimine engizilgen. 1927 jyly olar jabaıy tabıǵatta joǵalyp bara jatqan janýarlar retinde moıyndalǵan. Qazir jabaıy ógizder álemniń 30 elinde mekendeıdi, olardyń qatarynda Polsha, Lıtva, Belarýs, Ýkraına, Reseı jáne Slovakııa aýmaǵyndaǵy qoryqtar da bar.
