Germanııada soǵystan qalǵan bombaǵa baılanysty 1,6 myń adam evakýatsııalandy
ASTANA. QazAqparat - Germanııanyń Fraıbýrg qalasynda Ekinshi dúnıejúzilik soǵystan jarylmaı qalǵan bombany mamandar zalalsyzdandyrmaq. Osyǵan baılanysty 1,6 myń qala turǵyny qaýipsiz jerge shyǵaryldy.
DPA agenttiginiń aqparatyna súıensek, beısenbi kúni 500 kelilik bomba tabylǵan. Jeksenbi jergilikti ýaqytpen saǵat 8.00-ge deıin ýnıversıtettik klınıka mańyndaǵy qyzmetkerler men osy mańdaǵy turǵyndar ǵımarattardan shyǵaryldy. Mamandar zalalsyzdandyrý boıynsha sharany jergilikti ýaqytpen 11.00-de (Astana ýaqytymen 16:00) bastaıdy.
Jyl saıyn Germanııada shamamen 5,5 myń jarylǵysh zattar zalalsyzdandyrylady. Soǵys kezinde Germanııaǵa barlyǵy 2 mıllıonnan astam avıabomba tastaldy, shamamen 5% - 100 myńǵa jýyǵy jarylmady, dep jazdy RIA Novostı .
Eń kóp bomba Berlınge (68 myń tonnadan astam), Gambýrgke (45 myń tonna), sonymen qatar Rýr mańyna (shamamen 162 myń tonna) tastaldy.
