Germanııada soǵystan qalǵan bomba tabylyp, 16 myń adam evakýatsııalandy
NUR-SULTAN. QazAqparat - Germanııada Ekinshi dúnıejúzilik soǵystan qalǵan bomba tabylyp, 16 myń adam evakýatsııalandy, dep xabarlaıdy QazAqparat Frankfurter Rundschau basylymyna silteme jasap.
Germanııanyń Maındaǵy Frankfýrt qalasynda ІІ Dúnıejúzilik soǵystan qalǵan bomba tabylyp, 16 myń turǵyn qaýipsiz jerge kóshirildi.
Salmaǵy 500 kg snarıad Eýropa ortalyq banki ǵımaratynyń aldyndaǵy qurylys jumystary kezinde tabyldy.
inFranken.de basylymynyń jazýynsha, snarıad Amerıkada jasalǵan. Bombany zalalsyzdandyrmas buryn 1 km radıýstaǵy keńseler men turǵyn úılerden adamdardy túgel
evakýatsııalaýǵa sheshim qabyldanǵan. Atalǵan sheńberde bank ǵımaraty, temirjol vokzaly, qaladaǵy elektr poıyzdardyń aıaldamalary, polıtsııa ýchaskesi, qarttar úıi, zoopark, turǵyn úıler - uzyn-yrǵasy 1000-nan astam ǵımarat bar.
Bılik ókilderi úıme-úı kirip tekserip júr. Jalpy 16,5 myńnan astam evakýatsııalanady.
Mamandardyń aıtýynsha, bombany zalalsyzdandyrýǵa 4 saǵattaı ýaqyt ketedi.
