Germanııada sholý sheńberinde bolǵan órtten 65 adam zardap shekti

ASTANA. KAZINFORM – Nemisterdiń federaldy jeri - Saksonııada jyl saıyn uıymdastyrylatyn Highfield mýzyka festıvali ótip jatqan kezde sholý sheńberinen órt shyǵyp, 16 adam aýrýhanaǵa tústi.

Bul týraly jergilikti polıtsııaǵa silteme jasap, DPA aqparat agenttigi habarlady, dep jazdy reseılik RIA Novostı.

Sholý sheńberindegi órt Leıptsıg qalasyna jaqyn jerde senbi kúni keshkisin bolǵan. BAQ ókilderi alǵashynda 30 adamnyń zardap shekkenin habarlady.

«Leıptsıgtegi festıval kezinde sholý sheńberinen shyqqan órtten zardap shekken 16 adam aýrýhanaǵa jetkizildi, dep habarlady», dep jazady DPA.

Zardap shekkenderdiń 4-ýi kúıip qalǵany, bireýi qulaǵan kezde jaraqat alǵany aıtylady. Barlyǵy 65 adam zardap shekti. Olardyń ómirine qaýip tónip turǵan joq.