Germanııada saıası baspana suraǵandar sany 2012 jyldan bergi eń tómen deńgeıge tústi
ASTANA. KAZINFORM – Germanııada saıası baspana surap alǵash ret ótinish bergender sany 2012 jyldan bergi eń tómen deńgeıge jetti. Qyrkúıekte mundaı ótinishter sany byltyrǵy osy kezeńmen salystyrǵanda 65%-ǵa kemigen, dep habarlaıdy Kazinform agenttigi BILD basylymyna silteme jasap.
Germanııa Іshki ister mınıstrliginiń málimetinshe, 25 qyrkúıektegi jaǵdaı boıynsha elde baspana berý týraly 3 345 alǵashqy ótinish tirkelgen.
Salystyrmaly túrde, byltyr qyrkúıekte mundaı ótinishterdiń sany 9 126 bolǵan edi. Osylaısha, kórsetkish bir jyl ishinde 65%-ǵa tómendegen.
Germanııanyń federaldyq ishki ister mınıstri Aleksandr Dobrındt bul kórsetkishterdi eldiń kóshi-qon saıasatynyń ózgerýimen baılanystyrady.
— Baqylaýdy kúsheıtip, naqty baǵyt ustanyp, batyl sharalar qabyldaýdyń arqasynda mıgranttar aǵynyn edáýir azaıtyp jatyrmyz. Osylaısha mýnıtsıpalıtetterge túsetin júktemeni aıtarlyqtaı tómendetip jatyrmyz, — dedi Aleksandr Dobrındt.
Endi Germanııa ІІM basshysy óziniń kóshi-qon saıasatyn Eýropa deńgeıinde ilgeriletýdi kózdep otyr. Dobrındttyń shaqyrýymen Mıýnhende Eýropanyń 17 eliniń ishki ister mınıstri bas qosady. Kezdesýde Eýroodaqtyń syrtqy shekaralaryn qorǵaýdy kúsheıtý jáne mıgranttardy shyqqan elderine qaıtarý úderisin jedeldetý máseleleri talqylanbaq.
Aıta keteıik, Eýropalyq odaq soǵys pen túrli apattan zardap shekken adamdarǵa gýmanıtarlyq kómek kórsetý úshin 700 mln eýrodan astam (353 mlrd teńgeden astam) qarjy bóledi.
