Germanııada satylymǵa shyǵyp ketken ýly ishimdikti ishpeý eskertildi
ASTANA. QazAqparat - Germanııanyń batysynda Dýısbýrg qalasyndaǵy páterdiń birinde qoldan quıylǵan 1028 bótelke jasandy araq tabyldy. Ol adamdyń ómirine qaýip tóndiretin nemese kózdi soqyr etetindeı ýly ekeni anyqtaldy. Alaıda 350 bótelke ishimdik buǵan deıin satylyp ketken, dep habarlaıdy dw.com .
Germanııanyń batysyndaǵy Soltústik Reın-Vestfalııa federaldyq jeriniń Tutynýshylar quqyǵyn qorǵaý mınıstrligi Diamond Vodka dep atalatyn jasandy araqty ishpeýdi eskertýde. Mınıstrliktiń saıtynda ornalastyrylǵan resmı habarlandyrýda satylyp ketken metanoly bar ishimdik ómirge qaýipti eken.
Іshimdikke júrgizilgen saraptama onyń bir lıtrinde 15 gramm metanol bar ekendigin anyqtaǵan, bul eń joǵary ruqsat etilgen kórsetkishten 400 ese kóp.
