Germanııada rojdestvolyq shyrsha adamdardyń ústine qulady
ASTANA. QazAqparat - Jeksenbi kúni keshke Germanııanyń Eshvaıler qalasynda rojdestvolyq shyrsha qalyń halyq ústine qulady. Kem degende tórt adam zardap shekti, dep habarlaıdy TASS.
Málim etilgendeı, jergilikti ýaqyt boıynsha saǵat shamamen 18.00 kezinde (astana ýaqytymen - 23.00) shyrsha alańǵa ornatylǵan balalardyń átkenshegine qulaǵan. Buqaralyq aqparat quraldarynyń atap ótýinshe, oqıǵa saldarynan balalar zardap shekken joq, jaraqat alǵandardyń barlyǵy - eresekter.
Polıtsııa oqıǵanyń mán-jaıyn anyqtaýda.
Jeksenbi kúni Eýropanyń barlyq aýmaǵynda kúshti jel turatyny boljanǵan. Germanııada qalyń qar men kókótaıǵaqqa baılanysty áýejaıda birqatar reıster oryndalǵan joq.
