Germanııada Rıo-de-Janeırodaǵy Olımpıada chempıondaryna 20 myń eýrodan berilmek
ASTANA. QazAqparat - «Deutsche Sporthilfe» nemis sportshylaryna kómek kórsetý qory búgin «Rıo-de-Janeırodaǵy Olımpıada oıyndarynyń «altynyna» qol jetkizgen ár nemis sportshysy 20 myń eýro alatyny» jaıly habarlady.
Sondaı-aq qorda kúmis medal ıegerleri 15 myń eýro, qola medal ıegerleri 10 myń eýro alatynyn málim etti. Alǵashqy segiz orynǵa ıe bolǵan sportshylarǵa da 5 - 1,5 myń eýroǵa deıin syıaqy tólenedi. Fýtboldan erler nemese áıelder quramasy jeńiske jeter bolsa, komandalar 720 myń eýrodan alady.
