Germanııada ótken forýmda 160 mln dollardy quraıtyn memorandýmdarǵa qol qoıyldy

NUR-SULTAN. QazAqparat - QR Syrtqy ister mınıstriniń orynbasary Almas Aıdarov Germanııa ónerkásibiniń ókilderimen birqatar ekijaqty kezdesýler ótkizdi, dep habarlaıdy QazAqparat «KAZAKH INVEST» UK» baspasóz qyzmetine silteme jasap.

Sondaı-aq Germanııanyń isker toptarynyń qatysýymen ótken dóńgelek ústel aıasynda 10 mlrd AQSh dollarynan astam somaǵa taý-ken metallýrgııa, mashına jasaý jáne medıtsına salasyndaǵy ınvestıtsııalyq jobalardy tanystyrdy.

Іs-sharalar Prezıdent Qasym- Jomart Toqaevtyń 2019 jylǵy jeltoqsandaǵy GFR-ǵa resmı saparynyń qorytyndysy boıynsha bergen tapsyrmalary sheńberinde, sondaı-aq QR Premer-Mınıstriniń orynbasary Roman Sklıardyń basshylyǵymen german ınvestorlarymen ózara is-qımyldy kúsheıtý jónindegi jumys tobynyń qyzmeti sheńberinde júrgiziledi.

«Bul toptyń Qazaqstannyń eshbir elmen saýda-ınvestıtsııalyq qarym-qatynasynda balamasy joq. Qazaqstan Úkimeti nemis bıznesine eksklıýzıvti sharalar jıyntyǵyn usynady. Bul Qazaqstan men Germanııa yntymaqtastyǵynyń sapaly jańa kezeńiniń bastalýynyń jarqyn dáleli»,-dep atap ótti A.Aıdarov.

Óz kezeginde «KAZAKH INVEST» UK» AQ Basqarma tóraǵasynyń orynbasary Ǵalym Ózbekov nemis tarapyna Qazaqstan ekonomıkasynyń basym salalarynda jobalardy iske asyrý múmkindikterin usyndy.

Sondaı-aq forýmda Herrenknecht AG Basqarmasynyń tóraǵasy doktor Martın Herrenkneht, Qazaqstan-German Іskerlik keńesiniń teń tóraǵasy, DB Engineering & Consulting GmbH Bas dırektory Nıko Varbanoff, GFR Ekonomıka jáne energetıka federaldyq mınıstrliginiń shıkizat saıasaty bóliminiń basshysy doktor Tomas Gekle sóz sóıledi.

Spıkerler óz sózderinde Qazaqstan men Germanııa arasyndaǵy ózara tıimdi saýda-ekonomıkalyq qatynastaryn tereńdetýdiń, ınvestıtsııalyq áriptestikti damytýdyń jáne GFR-dan ozyq tehnologııalar transfertiniń mańyzdylyǵyn atap ótti.

Ekijaqty kezdesýler barysynda A.Aıdarov jáne QR delegatsııasynyń basqa da qatysýshylary german kompanııalarynyń basshylarymen áriptestikti damytý jáne naqty birlesken jobalardy iske asyrý perspektıvalaryn talqylady.

Kelissózder qorytyndysy boıynsha $160 mln-nan astam aýyl sharýashylyǵy mashınalaryn jasaý jáne densaýlyq saqtaý salalarynda ınvestıtsııalyq jobalardy iske asyrý týraly qujattarǵa qol qoıyldy.