Germanııada ótetin jazǵy Ýnıversıadada el namysyn 76 sportshy qorǵaıdy

ASTANA. KAZINFORM – 16-27 shilde aralyǵynda Germanııanyń Reın-Rýr aımaǵynda ótetin HHHІІ Dúnıejúzilik jazǵy Ýnıversıadada el namysyn 12 sport túrinen 76 sportshy qorǵaıdy. Buǵan qosymsha ulttyq quramanyń sapynda 18 jattyqtyrýshy men 6 resmı ókil bar.

Ǵylym jáne joǵary bilim mınıstrligi málimetinshe, Jazǵy Ýnıversıada Dýısbýrg, Bohým, Essen, Hagen, Mıýlhaım qalalary men Germanııa astanasy Berlınde ótedi.

Bul – Halyqaralyq ýnıversıtettik sport federatsııasynyń (FISU) bastamasymen uıymdastyrylatyn iri halyqaralyq jarys.

Baıraqty básekede 8 500-den asa sportshy sporttyń 18 túrinen 234 júlde jıyntyǵyn sarapqa salady. Olardyń ishinde jeńil atletıka, júzý, eskek esý, qylyshtasý, gımnastıka, jebe atý, taekvondo jáne ózge de sport túrleri bar.

Qazaqstan stýdenttik Ýnıversıadaǵa 1993 jyldan beri turaqty túrde qatysyp keledi. Osy ýaqyt ishinde otandyq sportshylar birneshe márte júldegerler qatarynan kórinip, joǵary nátıje kórsetip júr.

Aıta keteıik, 2023 jyly Qytaıdyń Chendý qalasynda ótken HHHІ jazǵy Ýnıversıada da Qazaqstan quramasy 2 altyn, 7 kúmis, 11 qola medal jeńip aldy. Eń joǵary nátıje 2013 jyly Qazan qalasynda ótken Ýnıversıadada tirkeldi. Munda sportshylar 30 medal enshilegen bolatyn.

Aıta keteıik, Qazaqstan sportshylary Qysqy Ýnıversıadany 14 medalmen aıaqtady.