Germanııada Osventsımniń burynǵy úsh qaraýyly sot aldynda jaýapqa tartylmaq
ASTANA. QazAqparat - Germanııa polıtseıleri Osventsım natsıstik kontslagerinde qaraýyl bolyp jumys isteı júrip, adamdardy óltirýge qatysqan degen kúdikpen egde jastaǵy úsh er adamdy ustaǵan.
Qazir jastary 88,92 jáne 94-ke jetken kúdiktiler Osventsımdegi adam óltirý oqıǵalaryna qatysy bar dep aıyptalyp otyr. Ustalǵandar Vıýrtembergtegi túrme aýrýhanasyna jetkizildi.
Ótken jyldyń kúzinde Germanııanyń sot bıligi Osventsım kontslageriniń burynǵy 30 qaraýyly sot aldynda jaýap berýleri tıis degen bolatyn.
Osy isti basqaratyn Baden-Vıýrtemberg federaldyq aýmaǵynyń Ádilet mınıstrligi atalmysh kontslagerde jumys jasaǵan 49 qaraýyldyń isi qaralǵanyn, olardyń 30-y jaýapkershilikke tartylýlary tıis ekendigin málimdegen.
Eki jyl buryn Mıýnhen soty buryn osy ólim lagerinde jumys istegen kúzetshi Ivan Demıanıýkti adamdardy óltirgeni úshin kináli dep tapqan. Demıanıýk Polshadaǵy Sobıbor kontslagerinde 28 myń evreıdi ajal qushtyrǵan dep aıyptaldy.
