Germanııada oqyǵysy keletin qazaqstandyqtar úshin Alıans quryldy

Forým qatysýshylary ózderiniń Germanııaǵa oqýǵa túsý jáne osynda oqý tájirıbesimen bólisip, GFR bilim berý júıesiniń erekshelikteri týraly aıtty.

Olardyń aıtýynsha, Qazaqstannyń jas urpaqtyń sheteldegi kásibı damýyn qoldaý úshin barlyq jaǵdaı jasap jatqandyǵyn aıtty. Buǵan Elshilik pen Germanııadaǵy qazaqstandyq stýdentter qaýymdastyǵy birlese uıymdastyratyn túrli sharalar, sondaı-aq bilim berý men biliktilikti arttyrý salasyndaǵy memlekettik baǵdarlamalar aıasyndaǵy úkimettiń jan-jaqty qoldaýyn aıtýǵa bolady.

Syrtqy ister mınıstriniń orynbasary Roman Vasılenko stýdentterdi bilim alýdaǵy jetistikterimen quttyqtady jáne Memleket basshysynyń elimizdiń jas urpaǵy men sapaly bilimge erekshe nazar aýdaratynyn eskere kele, buny elimiz damýynyń negizgi faktory jáne bolshaq ulttyń básekege qabilettiliginiń kepili dep sanaıtyndyǵyn aıtty. «Prezıdent Nursultan Nazarbaev táýelsiz Qazaqstannyń alǵashqy qalyptasý kezeńinde jas qazaqstandyqtardyń shetelde sapaly bilim alýyn qoldaý úshin irgeli negiz qurý mindetin qoıdy»,- dedi ol.

R. Vasılenkonyń aqparatyna sáıkes, «Bolashaq» baǵdarlamasy boıynsha 25 jyldyń ishinde 12 898 stıpendııa taǵaıyndaldy, búgingi kúnge deıin gýmanıtarlyq, ınjenerlik-tehnıkalyq, medıtsınalyq jáne shyǵarmashylyq mamandyqtar boıynsha 10 myńnan astam maman daıyndaldy. Qazirgi ýaqytta 1 255 stıpendıat bilim alýda, onyń4,7%-y qurlyqtyq Eýropaǵa tıesili. «Sonymen qatar, óz kúshimen oqýǵa túsip, shetelde oqyp jatqan qazaqstandyqtardyń da sany kóp, bul jetistiktiń kórsetkishi jáne ultymyzdyń gúldenýiniń kepili», - dedi sózin qorytyndylaı kele dıplomat.

Іs-shara barysynda stýdentter sońǵy 26 jyl ishindegi memleketpen qoǵam damýynyń kórinisin, Germanııada oqý barysynda alǵan bilimdi bolashaqta el ıgiligi úshin jumsaý týraly oılarymen bólisti.

Qazaqstannyń Germanııadaǵy Elshisi Bolat Núsipov forým qatysýshylaryn aldaǵy Astana kúni merekesimen quttyqtap, Astananyń jas ári gúldengen Qazaqstannyń nyshany, al elimizdiń jas urpaǵy álemdegi qarqyndy damý men jahandyq ıntegratsııa úrdisi jaǵdaıynda Qazaqstan men onyń elordasynyń álemdik arenadaǵy mańyzdy rólin túsinýi tıis ekendigin aıtty.

«Qazaqstannyń geosaıası jaǵdaıy eldiń zamanaýı jahandyq jáne aımaqtyq syn-tegeýrinderge ýaqytyly ári durys áreket etýi tıis ekendigi barshamyzǵa málim. Memleket basshylyǵynyń syrtqy saıasattaǵy sapaly baǵytynyń nátıjesinde Qazaqstan álemdegi barlyq memlekettermen, ásirese basty áriptesterimiz, sonyń ishinde Germanııamen dostyq ári strategııalyq qatynas ornatýda», - dedi Bolat Núsipov.

Elshiliktiń qoldaýymen qurylǵan Germanııadaǵy qazaqstandyq stýdentterdiń «KazAlliance» qaýymdastyǵynyń kóshbasshysy Rasýl Rahım uıym qyzmeti týraly aıtty. Onyń aıtýynsha, Alıans jumysy belsendi kórsetiledi jáne Germanııaǵa oqýǵa túsýdi josparlap júrgen jáne osynda oqyp jatqan qazaqstandyq jastar úshin Germanııadaǵy ómir men bilim alý týraly aqparat pen tájirıbe almasý úshin senimdi pýl bolyp tabylady.

Sondaı-aq, forýmǵa GFR bilim berý mekemeleri jáne halyqaralyq baǵdarlamalar ortalyqtarynyń ókilderi qatysty. Olardyń aıtýynsha, qazaqstandyq stýdentter GFR-de oqyp jatqandardyń ishindegi «bilimdi ári maqsatshyl klaster» bolyp sanalady. «Qazaqstan men Germanııa arasynda ǵylym jáne bilim salasynda, sondaı-aq jas mamandardyń biliktiligin arttyrý jóninde yntymaqtastyq ornatylǵan. Bul turǵyda Germanııanyń «DAAD» akademııalyq almasý qyzmeti men «Bolashaq» halyqaralyq baǵdarlamalar ortalyǵynyń tyǵyz baılanysyn aıta ketken jón», - dedi nemis áriptester.

Aıta ketsek, 1994 men 2017 jyldar aralyǵynda «Bolashaq» baǵdarlamasy boıynsha Germanııada 300-ge jýyq stıpendıat bilim aldy. Qazirgi ýaqytta Germanııada 300-ge jýyq stýdent, sonyń ishinde «Bolashaq» baǵdarlamasy boıynsha bilim alýda. Qazaqstan úshin negizgi múddeli baǵyttar  - medıtsına jáne farmatsevtıka,tehnıkalyq ǵylymdar jáne arhıtektýra.