Germanııada naızaǵaıdyń soqqysynan bir ýaqytta 15 adam zardap shekti, sonyń ishinde bir bala bar
ASTANA. 7 shilde. QazAqparat - Germanııada naızaǵaıdyń soqqysynan bir ýaqytta 15 adam zardap shekti, sonyń ishinde on jasar bala bar, dep habarlanady mail.ru saıtynan.
Jergilikti polıtsııa ókili habarlaǵandaı, oqıǵa Berhtesgaden aýdanynda (Bavarııa federaldyq jeri) týrıster tobynyń bıiktigi 1304 metr Grıýnshtaın taýyna shyǵýy kezinde boldy.
Naızaǵaı soqqysynyń saldarynan 13 adam kúıik shalyp, taý-qutqarý qyzmetiniń jumyskerlerimen jaqyn jerde ornalasqan eldi mekenderdiń aýrýhanasyna jetkizildi. Taǵy ekeýine oqıǵa ornynda kómek kórsetildi.
Polıtsııanyń málimetterinshe, zardap shekkender arasynda taý daıyndyǵynan ótken Nıderlandydan birneshe áskerı qyzmetker boldy.
