Germanııada Napoleon armııasynyń 200 sarbazynyń súıegi tabyldy
ASTANA. QazAqparat - Germanııanyń Frankfýrt qalasynda qurylys jumystary kezinde 1813 jyly Napoleonnyń Uly áskeri qatarynda soǵysqan 200 sarbazdyń súıegi tabyldy, dep jazady brıtandyq The Guardian gazeti.
«Bizdiń esepteýimiz boıynsha, munda shamamen 200 adam jerlengen», - dep habarlady qalalyq josparlaý basshysy Olaf Kýnıts. Bul 1813 jyly Reseıden oralyp kele jatqan Napoleonnyń Uly áskeriniń sarbazdary bolǵan dep shamalanyp otyr. Qazirgi kezde 30 adamnyń súıegi shyǵaryldy.
