Germanııada musylmandardy «moıyndaý» sharasy bastaldy
ASTANA. 11 tamyz. QazAqparat - Nemis jurtynda osy atpen bastalǵan naýqanǵa senat qoldaý bildirip otyr. Jastardyń «Juma» uıymy kótergen bastama boıynsha nanym-senimi ózge adamdarǵa ıslamnyń qadir-qasıetin tanytý maqsatynda «saıası dıskýrs» jobasy qolǵa alyndy. Bul týraly muslim.kz saıtynan habarlady.
Osy sharaǵa baılanysty el astanasy Berlın qalasynyń 500-den asa qoǵamdyq oryndarynda Germanııadaǵy musylmandardyń qoǵamdyq ómirinen habar beretin plakattar paıda boldy. Atalmysh naýqannyń aıasynda túrli salanyń sarapshylary men jastardan suhbat alynady. Olardyń suhbaty ǵalamtorǵa ornalastyrylady. Sondaı-aq, qyrkúıektiń 6-y kúni esimderi elge belgili qoǵam qaıratkerlerimen kezdesý ótedi. Dıskýssııa túrinde ótetin osynaý sharada aldaǵy ýaqytta bolatyn býndestag saılaýyna qatysty máseleler talqylanady. Jas musylmandar Berlın qalasynan saılaýǵa túsetin úmitkerlermen musylmandardy «moıyndaý» máselesin qarastyrady.
